ᓯᓚᐅᑉ ᐊᓯᙳᖅᐸᓪᓕᐊᓂᖓ ᐊᒻᒪ ᑕᐃᒪᐅᔭᕆᐊᖃᖅᑐᑦ ᑕᕆᐅᒥ ᓂᕿᑦ ᐃᓄᐃᑦ ᐱᔾᔪᑎᒋᓗᒋᑦ
ᖃᓄᖅ ᓯᓚᐅᑉ ᐊᓯᙳᖅᐸᓪᓕᐊᓂᖓ ᐱᔾᔪᑎᖃᖅᐸ ᐊᒥᓲᓂᖏᓐᓄᑦ ᑕᕆᐅᒥ ᓂᕿᓂᑦ ᑕᐃᒪᐅᔭᕆᐊᖃᖅᑐᑦ ᐃᓄᐃᑦ ᐱᔾᔪᑎᒋᓗᒋᑦ ᕿᑭᖅᑕᕐᔪᐊᖅ ᓄᓇᕗᑦ, ᑲᓇᑕᒥ? ᓇᓗᓇᖅᑐᖅ, ᑭᓯᐊᓂ ᖃᐅᔨᓴᖅᓯᒪᔪᒍᑦ ᐃᑲᔪᖅᑎᖃᖅᑐᑕ ᐃᓄᐃᑦ ᐃᑲᔪᖅᑎᓂᑦ ᑐᑭᓯᐊᑦᑎᐊᒃᑲᓐᓂᕈᑎᒋᓪᓗᒋᑦ ᐅᑭᐅᖅᑕᖅᑐᒥ ᑕᕆᐅᒥ ᓂᕿᓂᑦ ᖃᓄᐃᓐᓂᕆᔭᖏᓐᓂᑦ ᖃᓄᐃᓐᓇᔭᕐᓂᖏᑦ ᓯᕗᓂᒥ, ᐊᒻᒪ ᖃᓄᖅ ᑐᑭᖃᕐᒪᖔᑦ ᐃᓄᐃᑦ ᓂᕿᓄᑦ ᐊᑦᑕᕐᓇᖅᑕᐃᓕᒪᓂᕐᒧᑦ. ᐅᑯᐊ ᖃᐅᔨᓯᒪᔭᕗᖅ!
© Daniel Small
ᐃᓄᐃᑦ ᐊᓐᓇᐅᒪᓂᖏᑦ ᐅᑭᐅᖅᑕᖅᑐᒥ ᓯᓚ ᐊᓯᙳᖅᐸᓪᓕᐊᑎᓪᓗᒍ
ᐅᑭᐅᖅᑕᖅᑐᖅ ᐊᑦᑕᕐᓇᓗᐊᕐᓂᖅᓴᐅᔪᖅ ᓯᓚᐅᑉ ᐊᓯᙳᖅᐸᓪᓕᐊᓂᖓᓄᑦ ᓯᓚᕐᔪᐊᕆᔭᑦᑎᓐᓂ. ᓂᓪᓕᓇᕐᓂᖓ ᑕᒫᓂ ᖁᕝᕙᕆᐊᖅᓯᒪᔪᑦ ᐱᖓᓱᐃᖅᑐᒍᑦ ᓯᓚᕐᔪᐊᑉ ᐊᑐᖃᑦᑕᖅᑕᖓᓂᑦ. ᒫᓐᓇᓵᖅ ᐊᓯᙳᖅᓯᒪᔪᑦ ᑕᕆᐅᑉ ᓯᑯᖓᓂ ᖃᓄᐃᓐᓂᖏᑦ ᐱᔾᔪᑎᖃᖅᑐᖅ ᐆᒪᒐᓱᐊᕐᓂᖏᑕ ᐆᒪᔪᓄᑦ ᐊᒻᒪ ᐱᕈᖅᓯᐊᓄᑦ. ᐆᑦᑑᑎᒋᓗᒍ, ᑕᕆᐅᖅ ᐆᓇᖅᓯᕙᓪᓕᐊᑎᓪᓗᒍ ᓯᕗᓂᐊᓂ ᐅᐱᕐᖓᒃᓵᒥ. ᖃᓄᐃᓐᓂᕆᔭᖓᒍᑦ, ᓄᓇᕋᔭᐃᑦ ᐱᕈᖅᐸᓪᓕᐊᓲᑦ ᐱᕈᕆᐊᖃᙱᑎᓪᓗᒋᑦ ᐱᕈᖅᐸᓪᓕᐊᔪᑦ ᖃᐅᒪᕙᓪᓕᐊᑎᓪᓗᒍ. ᑕᒪᓐᓇ ᐊᓯᙳᖅᓯᒪᓂᖓ ᖃᖓᐅᑎᓪᓗᒍ ᐱᔾᔪᑎᖃᖅᑐᑦ ᐆᒪᔪᓄᑦ ᓂᕿᖃᖅᑐᓂᑦ ᕿᖅᑯᐊᓂᑦ, ᐆᑦᑑᑎᒋᓗᒍ ᓄᓇᕋᔭᐃᑦ, ᐊᒻᒪ ᑕᐃᒃᑯᓄᑦ ᓂᕿᒋᔭᖏᓐᓄᑦ ᐊᒻᒪ ᐊᓯᖏᑦ−ᑕᐃᒫᒃ, ᐊᑕᖏᕐᓗᒍ ᑕᕆᐅᑉ ᓂᕿᖏᑕ ᐊᑦᑐᐊᓂᖃᖅᑐᑦ.
ᑕᐃᒪᐃᒃᑲᓗᐊᖅᑎᓪᓗᒍ ᐊᓯᙳᖅᓯᒪᔪᑦ ᐊᒥᓲᑎᒋᓂᖏᑦ ᕿᖅᑯᐊᓄᑦ ᑕᕆᐅᒥ, ᐃᓚᖏᑦ ᐅᑭᐅᖅᑕᖅᑐᒥ ᐆᒪᔪᑦ ᐅᖓᕙᖅᐸᓪᓕᐊᔪᑦ ᓂᒡᒋᐊᒧᑦ ᓇᔪᕐᕕᒋᔭᐅᔪᑦ ᐊᑲᐅᓈᕐᓂᖏᓐᓄᑦ, ᐆᑦᑑᑎᒋᓗᒍ ᓂᒡᓕᓐᓇᙱᓐᓂᖅᓴᐅᔪᓄᑦ. ᐊᓯᖏᑦ ᐆᒪᔪᑦ ᒪᓕᒃᑐᑦ ᓂᕿᒋᔭᖏᓐᓂᑦ ᓄᑖᓄᑦ ᓄᓇᓕᒧᑦ ᐅᕝᕙᓘᓐᓃᑦ ᐊᓯᙳᖅᐸᓪᓕᐊᓂᖏᑦ ᓂᕿᒋᔭᖏᓐᓄᑦ, ᐱᔾᔪᑎᖃᕈᓐᓇᖅᑐᑦ ᓂᕿᒋᔭᖏᓐᓂᑦ ᐊᒻᒪ ᐅᖅᓱᓄᑦ ᐊᔾᔨᒌᙱᔾᔪᑎᒋᔭᖏᓐᓄᑦ. ᐊᒻᒪ ᐅᑭᐅᖅᑕᖅᑐᒥ ᐆᒪᔪᑦ ᑕᐃᒪᐅᒐᔪᓐᓂᖅᓴᐅᓕᖅᑐᑦ, ᑕᒪᒃᑯᐊ ᑭᒡᒐᖅᑐᐃᖃᑎᖃᕈᓐᓇᖅᑐᑦ ᐅᑭᐅᖅᑕᖅᑐᒥ ᐆᒪᔪᓄᑦ ᓂᕿᒋᔭᐅᔪᓄᑦ, ᐅᕝᕙᓘᓐᓃᑦ ᓴᖅᑭᑎᑦᑎᑐᐃᓐᓇᕈᓐᓇᖅᑐᑦ ᐊᓯᖏᓐᓂᑦ ᐆᒪᔪᓂᑦ ᑕᐃᑲᓃᖃᑦᑕᙱᑦᑐᓂᑦ.
ᓄᓇᓕᒥ ᐃᖃᓗᐃᑦ ᐊᒻᒪ ᑕᕆᐅᒥ ᐆᒪᔪᑦ ᓂᕿᒋᔭᐅᓪᓚᕆᒃᑐᑦ ᐃᓄᓐᓄᑦ. ᕿᑭᖅᑕᕐᔪᐊᒥ, ᓄᓇᕗᑦ ᐃᓄᐃᑦ ᓄᓇᓕᖏᑦ ᕿᑭᖅᑖᓗᒻᒥ, ᐊᒥᓲᓂᖅᐹᑦ ᓂᕿᖃᖅᑐᑦ ᑕᕆᐅᑉ ᓂᕿᖏᑦ ᐅᑯᐊᖑᔪᑦ ᓇᑦᑎᖅ, ᑑᒑᓕᒃ, ᐊᒻᒪ ᐃᖃᓗᒃᐱᒃ. ᑖᒃᑯᐊ ᐱᐅᔪᑦ ᓂᕿᒃᓴᖃᒋᔭᐅᔪᓄᑦ ᐊᒻᒪ ᐃᓅᓕᓴᐅᑎᓄᑦ ᐅᖅᓱᓂᑦ, ᐊᒻᒪ ᐱᒻᒪᕆᐅᓪᓚᕆᒃᑐᑦ ᐃᓄᐃᑦ ᐃᓕᖅᑯᓯᕆᔭᖏᓐᓄᑦ, ᐱᖅᑯᓯᖏᑦ, ᐊᒻᒪ ᓂᕿᓄᑦ ᐊᑦᑕᕐᓇᖅᑕᐃᓕᒪᓂᕐᒧᑦ. ᑕᒪᓐᓇ ᑐᑭᖃᖅᑐᖅ ᐊᓯᙳᖅᐸᓪᓕᐊᓂᖏᑦ ᑕᕆᐅᒥ ᓂᕿᒋᔭᐅᔪᑦ ᐱᔾᔪᑎᖃᖅᑐᑦ ᐱᔪᓐᓇᐅᑎᖃᕐᓂᕐᒧᑦ ᐃᓄᓐᓄᑦ ᓂᕿᒋᔭᖏᓐᓄᑦ, ᐊᒻᒪ ᑕᐃᒫᒃ ᓂᕿᓄᑦ ᐊᑦᑕᕐᓇᖅᑕᐃᓕᒪᓂᕐᒧᑦ.
ᓴᖅᑭᕙᓪᓐᓕᐊᔪᑦ ᐱᔾᔪᑎᖃᖅᑐᑦ ᓯᓚᐅᑉ ᐊᓯᙳᖅᐸᓪᓕᐊᓂᖓᓄᑦ ᐆᒪᔪᓄᑦ ᐊᒥᓱᓄᑦ, ᕿᖅᑯᓂᑦ ᓇᓄᕐᓄᑦ, ᐊᒻᒪ ᖃᐅᔨᓇᓱᐊᕐᓂᖅ ᖃᓄᐃᓕᐅᕈᑕᐅᔪᑦ ᐃᓄᓐᓄᑦ, ᐊᒃᓱᕈᕐᓇᖅᑐᑦ ᐱᓕᕆᐊᕆᓗᒍ. ᖃᓄᖅ ᓴᖅᑭᔪᓐᓇᖅᐸ ᐊᑲᐅᙱᓕᐅᕈᑕᐅᔪᒥᑦ?
© Marianne Falardeau
ᑕᕆᐅᒥ ᓂᕿᒋᔭᐅᔪᑦ ᐅᐊᓐᓇᖓᑕ ᕿᑭᖅᑖᓗᒻᒥ
ᐅᐊᓐᓇᖓ ᕿᑭᖅᑖᓗᒃ
ᐅᐊᓐᓇᖓ ᕿᑭᖅᑖᓗᒃ ᐊᐅᓚᐃᓐᓇᖅᑐᑦ ᐅᑭᐅᑕᒫᑦ ᐊᔾᔨᒌᙱᑦᑐᒃᑯᑦ: ᐅᑭᐅᒥ ᓯᑯᖃᖅᑎᓪᓗᒍ ᐊᐅᔭᒃᑯᑦ ᓯᑯᖃᙱᑦᑐᖅ. ᕿᑭᖅᑖᓗᒃ, ᓈᓴᖅᑕᐅᔪᓐᓇᙱᑦᑐᑦ ᑲᖏᖅᓱᐃᑦ ᓯᒡᔭᐸᓯᒥ, ᑐᓂᓯᔪᑦ ᐃᓱᒪᓇᖅᑐᒃᑯᑦ ᐃᓂᒋᔭᐅᔪᑦ ᐊᒥᓱᓄᑦ ᑕᕆᐅᒥ ᐆᒪᔪᓄᑦ ᐱᐊᕋᖃᖅᑎᓪᓗᒋᑦ ᐊᒻᒪ ᓂᕿᖃᖁᑎᒋᓗᒋᑦ, ᐱᓗᐊᖅᑐᒍ ᓯᑯᖃᙱᑎᓪᓗᒍ.
ᐊᑐᖅᑕᐅᔪᑦ ᐃᓱᒪᒃᓴᖅᓯᐅᕈᑕᐅᔪᑦ
ᓴᖅᑎᑦᑎᓯᒪᔪᒍᑦ ᓂᕿᒋᔭᐅᔪᓂᑦ ᐊᑐᖅᑕᐅᔪᓂᑦ ᓇᓗᓇᐃᔭᐃᔪᑦ ᖃᓄᐃᓕᐅᖅᑕᐅᔪᑦ ᑕᕆᐅᒥ ᐆᒪᔪᓂᑦ ᐅᐊᓐᓇᖓᑕ ᕿᑭᖅᑖᓗᒃ, ᓄᓇᕗᑦ. ᐊᑐᖅᑕᐅᔪᑦ ᐊᔾᔨᒌᙱᑦᑐᓂᑦ ᑐᑭᓯᐊᓇᕐᓂᖅᓴᐅᔪᑦ ᑕᑯᓗᒋᑦ ᐱᔾᔪᑎᒋᔭᐅᔪᓂᑦ ᓯᓚᐅᑉ ᐊᓯᙳᖅᐸᓪᓕᐊᓂᖓᓄᑦ ᐊᒻᒪ ᐊᓯᖏᓐᓄᑦ ᐊᕙᑎ ᐊᓯᙳᖅᐸᓪᓕᐊᑎᓪᓗᒍ ᑕᕆᐅᑉ ᐆᒪᔪᖏᓐᓄᑦ ᑕᑯᓗᒍ ᐊᑐᖅᑕᐅᔪᓂᑦ ᐊᑕᐅᓯᖅ ᐅᕝᕙᓘᓐᓃᑦ ᒪᕐᕉᓐᓄᑦ ᐆᒪᔪᑦ ᓇᔪᕐᕕᒋᔭᖏᓐᓂᑦ. ᑕᒪᓐᓇ ᐱᔾᔪᑎᖃᖅᑐᑦ ᓂᕿᒋᔭᐅᔪᓄᑦ ᖃᓄᐃᓐᓂᕆᔭᖏᑦ ᐃᓚᖃᖅᑐᑦ ᐊᓐᓇᐅᒪᖃᑎᒋᔪᓐᓇᖅᑕᖏᑕ ᐆᒪᔪᓄᑦ ᐊᓯᐊᑕ ᓂᕿᒋᔭᐅᔪᓄᑦ. ᐆᑦᑑᑎᒋᓗᒍ, ᓂᕿᒋᔭᐅᔪᑦ ᐆᒪᔪᑦ ᓄᖑᕙᓪᓕᐊᔪᑦ/ᐊᒥᓲᕙᓪᓕᐊᔪᑦ ᐊᒥᓲᓂᖏᑦ, ᐊᔾᔨᒌᙱᑦᑐᑦ ᓂᕿᒋᔭᐅᔪᑦ ᐊᓯᕙᖅᑎᖏᑦ ᓄᖑᕙᓪᓕᐊᔪᑦ/ᐊᒥᓲᕙᓪᓕᐊᔪᑦ ᓇᓂᓯᔪᓐᓇᕐᓂᐊᕐᓗᑎᒃ ᓂᕿᓂᑦ ᐊᒻᒪ ᓄᖑᕙᓪᓕᐊᔪᓐᓇᖅᑐᑦ/ᐊᒥᓲᕙᓪᓕᐊᔪᓐᓇᖅᑐᑦ ᐊᒥᓲᓂᖏᑦ.
ᓴᖅᑭᑎᑦᑎᓯᒪᔪᒍᑦ ᐊᑐᖅᑕᐅᔪᓂᑦ ᓄᓇᓕᒥᐅᑕᑦ ᕿᑭᖅᑕᕐᔪᐊᒥ ᐱᔾᔪᑎᒋᓪᓗᒋᑦ ᐅᑯᐊ:
- ᑐᑭᓯᐊᒃᑲᓐᓂᕈᑎᒋᓗᒋᑦ ᓄᓇᓕᒥ ᓂᕿᒋᔭᐅᔪᑦ, ᐊᒻᒪ ᖃᓄᖅ ᓯᓚᐅᑉ ᐊᓯᙳᖅᐸᓪᓕᐊᓂᖓ ᐱᔾᔪᑎᖃᕐᒪᖔᑦ ᐊᒥᓲᓂᖏᑕ ᑕᕆᐅᒥ ᓂᕿᒋᔭᐅᔪᑦ ᑕᐃᒪᐅᓂᖏᑦ ᓄᓇᓕᒋᔭᒥ.
- ᓴᖅᑭᑎᑦᑎᓂᖅ ᐃᓱᒪᒃᓴᖅᓯᐅᕈᑎᔅᓴᓂᑦ ᓯᕗᓂᒧᑦ ᐊᓯᙳᖅᐸᓪᓕᐊᔪᓂᑦ ᐊᒻᒪ ᖃᐅᔨᓴᕐᓂᖅ ᖃᓄᖅ ᑖᒃᑯᐊ ᐃᓱᒪᒃᓴᖅᓯᐅᕈᑕᐅᔪᑦ ᐆᒪᔪᓄᑦ ᐱᔾᔪᑎᖃᓗᐊᖅᑐᑦ ᓄᓇᓕᒥᐅᑕᓄᑦ. ᑕᒪᓐᓇ ᐃᓱᒪᒃᓴᖅᓯᐅᕈᑎᔾᔪᑎᖃᖅᑐᑦ ᐃᑲᔪᖅᑎᒌᓐᓂᒃᑯᑦ ᖃᓄᖅ ᐃᓄᐃᑦ ᓱᖏᐅᑎᔪᓐᓇᕐᓂᐊᓗᑎᒃ ᓂᕿᓄᑦ ᐊᑐᐃᓐᓇᐅᔪᓐᓇᕐᓂᐊᖅᑐᓄᑦ ᓯᕗᓂᒥ.
ᑖᒃᑯᐊ ᐊᑐᖅᑕᐅᔪᑦ ᓴᖅᑭᑎᑕᐅᓯᒪᔪᑦ ᐊᑐᖅᑐᑎᒃ ᖃᕋᓴᐅᔭᒃᑯᑦ ᐊᑐᖅᑕᐅᔪᑦ ᐊᒻᒪ ᐆᒪᔪᓄᑦ ᓇᔪᕐᕕᒋᔭᐅᔪᓄᑦ (EwE) ᐊᑐᖅᑕᐅᔪᑦ ᐱᕙᓪᓕᐊᓂᕐᒧᑦ ᐊᒻᒪ ᖃᕋᓴᐅᔭᓕᕆᓂᕐᒧᑦ. ᖃᕋᓴᐅᔭᒃᑯᑦ ᓴᓇᕐᕈᑎ ᓇᓗᓇᐃᔭᐃᓗᓂ ᓂᕿᒋᔭᐅᔪᓄᑦ ᐊᔾᔨᒌᙱᑦᑐᓄᑦ, ᐊᒻᒪ ᐆᒪᔪᓄᑦ ᓇᔪᕐᕕᒋᔭᐅᔪᑦ ᓴᓇᕐᕈᑎ ᓇᓗᓇᐃᔭᐃᔪᑦ ᖃᓄᖅ ᓂᕿᒋᔭᐅᔪᑦ ᐊᔾᔨᒌᙱᓐᓂᖏᓐᓄᑦ ᖃᖓᐅᑎᓪᓗᒍ ᐊᒻᒪ ᖃᐅᔨᓴᔾᔪᑎᒋᓗᒋᑦ ᐊᑐᖅᑕᐅᔪᓂᑦ ᐃᓱᒪᒃᓴᖅᓯᐅᕐᓂᕐᒧᑦ. ᓴᖅᑭᑎᑦᑎᓂᐊᕐᓗᓂ ᐊᑐᖅᑕᐅᔪᓂᑦ, ᑎᑎᕋᖅᓯᒪᔪᑦ ᐊᑐᖅᑕᐅᔪᑦ ᐃᓚᒋᔭᐅᔪᑦ ᓇᓚᐅᑦᑖᖅᑕᐅᔪᓂᑦ ᐊᒥᓲᓂᕆᔭᐅᔪᑦ ᐆᒪᔪᓂᑦ, ᓂᕿᒋᔭᐅᔪᓂᑦ ᐊᔾᔨᒌᙱᑦᑐᓂᑦ, ᐱᕈᖅᐸᓪᓕᐊᓂᑦ ᐊᒻᒪ ᑕᐃᒪᐅᔪᓐᓃᖅᑐᓄᑦ ᐊᒥᓲᓂᖏᑕ ᓂᕿᒋᔭᐅᔪᓂᑦ. ᑕᒪᒃᑯᐊ ᑎᑎᕋᖅᓯᒪᔪᑦ ᑎᒍᓯᒪᔭᕗᑦ ᖃᐅᔨᓴᕐᓂᕐᒧᑦ ᐅᓂᒃᑳᓕᐊᓂᑦ, ᐅᐊᓕᓂᕐᒥ ᓱᓇᒃᑯᑖᓂᒃ ᖃᐅᔨᓴᕐᓂᕐᒧᑦ ᐅᖃᐅᓯᓕᕆᔨᑦ, ᐊᒻᒪ ᖃᐅᔨᒪᔨᒻᒪᕆᓐᓂᑦ. ᐊᒥᓲᓂᖏᓐᓂᑦ ᓈᓴᖅᑕᐅᔪᑦ ᐊᑕᖏᖅᓯᒪᔪᒃᑯᑦ ᐆᒪᔪᓂᑦ, ᐊᑐᖅᕙᕗᑦ ᖃᓄᐃᓐᓂᕆᔭᐅᔪᓄᑦ ᓂᕿᑦ ᓂᕿᒋᔭᐅᔪᓂᑦ ᐊᓐᓇᐅᒪᒐᓱᐊᖅᑐᑦ ᓂᕿᒋᔭᐅᔪᓂᑦ.
ᑑᒑᓕᒃ
Monodon monoceros
ᑑᒑᓖᑦ ᑲᓇᓐᓇᖓᑕ ᕿᑭᖅᑖᓗᒻᒥ ᐊᒥᓲᓂᖏᑦ ᑕᐃᒪᐅᔪᑦ ᐊᐅᔭᒃᑯᑦ, ᔪᓂᒥᑦ ᓯᑎᐱᕆᒧᑦ, ᐃᒪᖏᑕ ᕿᑭᖅᑖᓗᒻᒥ. ᑕᐃᑲᙵᑦ, ᐃᖏᕐᕋᔪᑦ 1700 ᑭᓚᒦᑕᓂᒃ ᐅᐊᓐᓇᖓᑕ ᕿᑭᖅᑖᓗᒃ ᐃᒪᖓᓄᑦ ᑕᐃᑲᓃᓪᓗᑎᒃ ᒪᔨ ᓄᙳᐊᓂ /ᐊᐃᕆᓕ ᐱᒋᐊᓕᓵᖅᑎᓪᓗᒍ. ᑕᐃᑲᙵᑦ, ᐅᑎᖅᑐᑎᒃ ᓂᒡᒋᐊᓄᑦ ᕿᑭᖅᑖᓗᒃ ᐃᒪᖏᓐᓄᑦ. ᑑᒑᓖᑦ ᓂᕿᒋᓗᐊᖅᑕᖏᑦ ᐆᒐᐃᑦ ᑲᓛᖦᖡᑦ ᕼᐊᓕᐳᑦ ᐃᖃᓗᖏᓐᓂᑦ.
ᐃᖃᓗᒃᐱᒃ
Slavelinus alpinus
ᐃᖃᓗᒃᐱᒃ ᐃᖃᓗᑦ ᑕᐃᒪᐅᒐᔪᓐᓂᖅᓴᐅᔪᑦ ᐃᒪᒥᑦᑎᐊᕙᒻᒥ ᐊᒻᒪ ᐊᓯᖏᑦ ᑕᕆᐅᒥ. ᕿᑭᖅᑖᓘᑉ ᓄᓇᓕᖓᓂ, ᐃᖃᓗᐃᑦ ᑕᐃᒪᐅᔪᑦ ᐅᑭᐅᖑᑎᓪᓗᒍ ᑰᖕᓂ ᐊᒻᒪ ᑕᓯᕐᓂ ᕿᑭᖅᑖᓗᒻᒥ, ᐱᐊᕋᓕᐅᖅᑐᑎᒃ. ᐃᓐᓇᐅᓂᖅᓴᐃᑦ, ᐃᖏᕐᕋᓲᑦ ᖃᖏᖅᓱᒃᑯᑦ ᐊᒻᒪ ᕿᑭᖅᑖᓘᑉ ᓯᒡᔭᐸᓯᖏᓐᓄᑦ ᓯᑯᖃᖃᙱᑎᓪᓗᒍ. ᐊᐅᔭᒃᑯᑦ ᓂᕿᒋᔭᖏᑦ ᓄᓇᕋᔭᐃᑦ ᑕᕆᐅᑉ ᓯᒡᔭᐸᓯᐊᓂ ᐊᒻᒪ ᐅᑎᖅᑐᑎᒃ ᐃᒪᑦᑎᐊᕙᒻᒧᑦ ᐅᑭᐊᒃᓵᒃᑯᑦ.
ᓇᑦᑎᖅ
Pusa hispida
ᐅᑯᐊ ᓇᑦᑏᑦ ᓱᖏᐅᑎᓯᒪᔪᑦ ᓯᑯᖃᖅᑐᒥ ᐃᒪᒋᔭᐅᔪᓂᑦ ᐊᒻᒪ ᐃᖏᕐᕋᓱᐃᑦᑐᑦ ᐅᑭᐅᒃᑯᑦ, ᕿᑭᖅᑖᓗᒻᒥᓲᑦ ᐅᑭᐅᓕᒫᖅ. ᐊᐅᔭᒃᑯᑦ ᐊᒻᒪ ᐅᑭᐊᒃᓵᒃᑯᑦ, ᐃᓚᖏᑦ ᓇᑦᑏᑦ ᖃᓂᓐᓂᖅᓴᐅᓲᑦ ᐱᐊᕋᒃᓴᓕᐅᕐᓂᐊᖅᑐᑎᒃ ᓇᔪᕐᕕᖏᓐᓂ ᐊᓯᖏᑦ ᐃᖏᕐᕋᔪᑦ ᓯᒡᔭᐸᓯᒥ. ᐃᓚᖏᑦ ᐃᖏᕐᕋᔪᑦ ᓯᒡᔭᐸᓯᐅᑉ ᐅᖓᓂᓐᓂᖓᓄᑦ, ᐊᒻᒪ ᐊᓯᖏᑦ ᓂᒡᒋᐊᓄᑦ ᓯᓈᒧᑦ. ᓂᕿᒋᓗᐊᖅᑕᖏᑦ ᑰᒐᐃᑦ ᐊᒻᒪ ᓄᓇᕋᔭᐃᑦ.
ᓇᓄᐃᑦ
Ursus maritimus
ᓇᓄᐃᑦ ᐃᖏᕐᕋᕈᓐᓇᖅᑐᑦ ᕿᑭᖅᑖᓗᒻᒥᑦ ᐊᒻᒪ ᓂᒡᒋᐊᑕ ᐃᒪᖅ ᐸᓕᓐᔭᒧᑦ. ᐅᑭᐅᒃᑯᑦ, ᓇᓄᐃᑦ ᓇᓂᔭᐅᔪᓐᓇᖅᑐᑦ ᑕᕆᐅᑉ ᓯᑯᖏᓐᓂᑦ ᐊᓯᕙᕆᐊᖅᑐᑎᒃ ᓂᕿᒋᓂᖅᐹᕆᔭᖏᓐᓂᑦ − ᓇᑦᑏᑦ. ᐊᐅᔭᒃᑯᑦ, ᓇᓄᐃᑦ ᐃᖏᕐᕋᔪᑦ ᑭᓪᓕᐊᓄᑦ ᕿᑭᖅᑖᓗᒃ ᐅᕝᕙᓘᓐᓃᑦ ᒥᐅᕕᐅᓪ ᐃᒪᖏᓐᓄᑦ ᐊᐅᔭᖅᐸᓪᓕᐊᑎᓪᓗᒍ. ᐊᓯᖏᑦ ᓇᑦᑎᕐᓂᑦ, ᓇᓄᐃᑦ ᓂᕿᒋᔭᖏᑦ ᐊᓰᑦ ᓇᑦᑏᑦ ᐊᐅᔭᒃᑯᑦ ᑕᐃᒪᐅᔪᓂᑦ ᓇᔪᕐᕕᒋᔭᒥ.
ᐊᑐᖅᑕᐅᔪᑦ ᐃᓱᒪᒃᓴᖅᓯᐅᕈᑕᐅᔪᑦ
ᓇᓗᓇᐃᔭᐃᓂᖅ ᐊᑐᖅᑕᐅᔪᑦ ᐃᓱᒪᒃᓴᖅᓯᐅᕈᑕᐅᔪᑦ ᖃᐅᔨᒪᔭᐅᙱᑦᑐᑦ ᓯᕗᓂᒥ. ᑭᓯᐊᓂ, ᐊᑐᖅᑕᐅᔪᑦ ᐃᓱᒪᒃᓴᖅᓯᐅᕈᑕᐅᔪᑦ ᐃᑲᔪᖅᑐᑦ ᑐᑭᓯᐊᔾᔪᑎᒋᓗᒋᑦ ᖃᓄᖅ ᓱᒋᐊᕈᑕᐅᔪᑦ ᐊᐅᓚᑦᑎᒋᐊᕈᓐᓇᖅᑐᑦ ᐊᓯᐊᒍᑦ ᓯᕗᓂᒥ. ᑖᒃᑯᓂᖓ ᑐᑭᓯᐊᔾᔪᑎᒃᓴᓂᑦ ᐊᑲᐅᓈᕐᓂᖅᓴᐅᔪᓐᓇᖅᑐᒍᑦ ᐸᕐᓇᓪᓗᑕ ᓱᖏᐅᑎᓂᕐᒧᑦ ᓯᓚᐅᑉ ᐊᓯᙳᖅᐸᓪᓕᐊᓂᖓᓄᑦ.
Recommendations / Outcomes
Resources
The team
ᑐᑭᖏᑦ
ᐆᒪᔪᑦ – ᓱᓇᒃᑯᑖᓂᒃ ᖃᐅᔨᓴᕐᓂᒃᑯᑦ ᐆᒪᔪᓂᑦ, ᐃᓚᖃᖅᑐᑦ ᐆᒪᔪᑦ, ᐱᕈᖅᓯᐊᑦ, ᒥᑭᓛᑦ ᐆᒪᔪᑦ ᐅᕝᕙᓘᓐᓃᑦ ᓄᓇᕋᔭᐃᑦ ᐊᔾᔨᑲᓯᐊᑐᑦ ᐆᒪᔪᑦ ᐊᔾᔨᒌᙱᓐᓂᖏᑎᒍᑦ ᐊᒻᒪ ᐱᕈᖃᑎᖃᕈᓐᓇᖅᑐᑦ ᐊᑕᖏᖅᓯᒪᓪᓗᑎᒃ. ᐆᑦᑑᑎᒋᓗᒍ, ᕿᒻᒦᑦ ᐃᓚᖃᖅᑐᑦ ᕿᓄᖓᔪᓄᑦ ᐊᔾᔨᒌᑲᓴᒃᑐᓂᑦ.
ᐊᒥᓲᓂᖏᑦ – ᑲᑎᙵᔪᑦ ᐆᒪᔪᑦ ᐊᔾᔨᒌᒃᑐᓂᑦ ᐆᒪᔪᑦ ᑲᑎᙵᔪᑦ ᐆᒪᔪᑦ ᓄᓇᓕᒥ ᓇᔪᕐᕕᒋᔭᒥ ᐊᑕᐅᑦᑎᒃᑯᑦ.
ᑲᑎᙵᖃᑎᒌᒃᑐᑦ – ᑲᑎᙵᔪᑦ ᑲᑎᙵᖃᑎᒌᒃᑐᑦ ᐃᓄᐃᑦ, ᐊᓯᖏᑦ ᐆᒪᔪᑦ, ᐅᕝᕙᓘᓐᓃᑦ ᐊᓯᖏᑦ ᐆᑦᑑᑎᒋᓗᒋ Facebook ᑲᑎᙵᖃᑎᒌᒃᑐᑦ ᑲᑎᔾᔪᑎᖃᖅᓱᑎᒃ ᐃᓄᓐᓂᑦ ᓯᓚᕐᔪᐊᒥ.
ᓂᕿᒋᔭᐅᔪᑦ – ᓂᕿᒋᔭᐅᔪᑦ ᑭᒃᑯᑦ ᓂᕆᓲᑦ ᓱᓇᒥᑦ. ᑲᑎᙵᖃᑎᒌᒃᑐᑦ ᐆᒪᔪᓂᑦ ᑲᑎᖃᖃᑎᖃᓲᑦ ᐊᓯᐊᒍᑦ ᓂᕿᒃᓴᖃᑎᒌᓐᓂᒃᑯᑦ.
ᐊᑐᖅᑕᐅᔪᑦ – ᓈᓴᐅᑎᓕᕆᓂᕐᒧᑦ ᐃᓱᒪᒃᓴᖅᓯᐅᕈᑕᐅᔪᑦ, ᓈᓴᐅᑎᓕᕆᓂᕐᒧᑦ ᐊᑐᐊᒐᑦ, ᐊᔾᔨᙳᐊᖅ, ᐅᕝᕙᓘᓐᓃᑦ ᑎᑎᖅᑐᒐᖅᓯᒪᔪᑦ ᓇᓗᓇᐃᔭᐃᔪᑦ ᑲᑎᙵᖃᑎᒌᒃᑐᒥᑦ ᐊᒻᒪ ᖃᓄᖅ ᐊᓯᖏᑦ ᑲᑎᖃᑎᖃᓲᓂᖏᑦ.
ᐊᑐᖅᑕᐅᔪᑦ ᐃᓱᒪᒃᓴᖅᓯᐅᕈᑕᐅᔪᑦ – ᑕᐃᒪᐅᑐᐃᓐᓇᕆᐊᖃᖅᑐᑦ ᓄᑖᑦ ᐋᖅᑭᒃᓱᖅᑕᐅᓯᒪᔪᑦ ᑲᑎᙵᖃᑎᒌᒃᑐᓂᑦ (ᑕᑯᓐᓇᖅᑎᑕᐅᔪᑦ ᐊᑐᖅᑕᐅᔪᓂᑦ).
ᓂᕿᓄᑦ ᐊᑦᑕᕐᓇᖅᑕᐃᓕᒪᓂᖅ– ᓂᕿᓄᑦ ᐊᑦᑕᕐᓇᖅᑕᐃᓕᒪᓂᖅ ᓄᓇᓕᒥ ᓄᓇᓕᖓ ᐱᔪᓐᓇᐅᑎᖃᖅᑐᑦ ᐊᒥᓲᓂᒃᑯᑦ, ᓂᕿᑦᑎᐊᕙᐃᑦ, ᐊᒻᒪ ᐊᑦᑕᕐᓇᖅᑕᐃᓕᒪᓂᕐᒧᑦ (ᐃᓚᒃᓴᖃᙱᑦᑐᑦ ᓱᕋᕐᓇᖅᑐᓂᑦ ᐃᓚᒃᓴᓂᑦ) ᓂᕿᑦ.
ᐆᒪᔪᓗᒃᑖᑦ ᓇᔪᕐᕕᒋᔭᐅᔪᒥ – ᓈᓴᐅᑎ ᐊᑕᐅᓯᒥ ᐆᒪᔪᓂᑦ ᐊᕕᒃᑐᖅᑕᐅᓯᒪᔪᑦ ᐊᕕᒃᑐᖅᑕᐅᓯᒪᔪᑦ ᓇᓚᐅᑦᑖᖅᑕᐅᓯᒪᔪᑦ ᐅᖁᒪᐃᓐᓂᒃᑯᑦ ᐊᑕᐅᓯᒃᑯᑦ ᐆᒪᔪᓂᑦ. ᐆᑦᑑᑎᒋᓗᒍ ᐆᒪᔪᓗᒃᑖᑦ ᓇᔪᕐᕕᒻᒥ ᐃᖃᓗᐃᑦ ᐊᒥᓲᓂᖏᓄᑦ ᓇᓗᓇᐃᔭᐃᓂᐊᕐᓗᒍ ᖃᓄᑎᒋᑦ ᐊᒥᓲᓂᖏᑕ ᐃᖃᓪᓕᐊᕐᓂᐊᕐᓗᓂ.
ᓄᓇᕋᔭᒃ−ᓄᓇᕋᔭᐃᑦ ᐱᕈᖅᓯᐊᖏᑦ.
ᐱᓕᕆᖃᑎᒌᑦ
